ÎHD: Wa serekê şûbeyê ma bêro veradayene

ÎHDyî nêrazîbîyayîşê verba destbenkerdişê Serekê Şûbeyê Dêrsimî Gurbuz Solmazî mojna û va: “Hukmat pê Qanûnê Têkoşînî yê Verba Terorî herkesî tepişeno.”

Merkezê Pêroyî yê Komeleya Heqê Merdiman (ÎHD) derheqê Serekê ÎHDyî yê Şûbeyê Dêrsimî de eşkerayîya nuştekîye weşana ke vizêr amebi destbendkerdene. ÎHDyî da zanayene gama îfadegirewtişî de Solmazî rê ame perskerdene ke wextê serekîya ÎHDyî û Hemserekîya SESî de ser nameyê ‘rêxistinanê îlegalan’ de kombîyayîş û mîtîngî kerdî yan ney.

Eşkerayîye de bale ameye antene ke îdarekarê ke rêxistinanê pîlan ê wareyo domakratîkî de xebitîyenê lez yenê krîmînalîzekerdene û ame vatene: ” Taybetîya komel o demokratîkî no yo ke, bê destûrgirewtişê kesan, eşkenê kombîyayîşanê haştîyane û mîtîngan bikê û ganî bieşkê fikranê xo eşkera bikê. Tirkîya de keyfê îqtîdarî kamî ra nêro pê Qanûnê Têkoşînî yê Verba Terorî înan sucdar keno. Ma veng danê selahîyetdaranê sîyasî ke ganî polîtîkayê tedayî yê ser wareyo demokratîkî biqedenê û ganî serekê ma yê şubeyê Dêrsimî Gurbuz Solmaz teqez bêro raverdene.” DÊRSIM 

Dikarî Biecibînî