Serekê Komeleya Pîr Sûltan Abdalî bi kiştiş ame tehdîtkerdene

Kes ya zî kesê ke kamîya înan nîna zanayene bi vatişanê ‘Wextê mergê to ameyo, wextê ecelê to ame’ Serekê Komeleya Pîr Sûltan Abdalî Alî Ozturkî tehdît kerdî. Merkezê Pêroyî yê Komele da zanayene ke do derheqê babete de muracatê sucî bikerî

Kes ya zî kesê ke kamîya înan nîna zanayene bi vatişanê ‘Wextê mergê to ameyo, wextê ecelê to ame’ Serekê Komeleya Pîr Sûltan Abdalî Alî Ozturkî tehdît kerdî. Nê kes ya zî kesî ber û dêsê keyeyê Ozturkî yê taxa Yildirimî ser nuşteyê sey ‘Wextê mergê to ameyo, wextê ecelê to ame’ nuştî û Ozturkî tehdît kerdî. Merkezê Pêroyî yê Komeleya Pîr Sûltan Abdalî derheqê babete de eşkerayîyêka nuştekî daye û da zanayene ke hêrişê hemverê elewîyan zêdîyayî û do derheqê babete de muracatê sucî bikerî. Komele eşkerayîya xo de dîyar kerde ke no hedîse nîşaneyê polîtîkayê çinkerdişî yo û ê se bikerî zî do rayîrê xo ra fek vera nêdî. BÛRSA