Do 11 heb cenazeyê ke Goristanê Xerzanî ra bi nimitiş ameybî vetene bidîyî keyeyanê înan

Ame zanayene ke 267 cenazeyê ke Goristanê Xerzanî ra bi nimitiş ameybî vetene û 2 serrî yo ke ATKyê Stenbolî de yenî desteserkerdene ra 11 heb cenazeyî do bidîyî keyeyanê înan

Dewa Oleka Jorî ya pabesteyê merkezê Bedlîsî de 19ê kanûna 2017î de 267 cenazeyî Goristanê Xerzanî ra bi nimitiş ameybî vetene. Cenazeyê ke ameybî vetene seba ‘otopsî’ berdbî Dezgeyê Tibê Edlî (ATK) yê Stenbolî. Heta nika cenazeyan ra tena 2 hebî teslîmê keyeyanê înan ameybî kerdene. Ame zanayene ke 265 cenazeyê ke ATKyê Stenbolî de mendbî ra 3 cenazeyî zî 5 aşmî verê teslîmê keyeyanê înan ameyî kerdene.

Ame zanayene ke 262 cenazeyê ke 2 serrî yo ATKyê Stenbolî de yenî desteserkerdene ra otopsîyê 11 heb cenazeyan qedîyayo û do 11 heb cenazeyî demêko kilm de teslîmê keyeyanê înan bêrî kerdene. STENBOL