Dozger waşt ke 7 rojnamegerî bêrî cezakerdene

Derheqê 7 rojnamegeran de seba ke lînkê xeberêka derheqê Hetkarê Fermandaro Pêroyî yê Cendermeyan Mûsa Çîtîlî medyaya komelkî de pare kerdî, yeno waştene ke serrêk ra heta hîrê serran cezaya zîndanî bêra dayene

Semedê 7 rojnamegeran seba parekerdişê medyaya sosyale heta hîrê seran cezan yena waştene. Xebera ke bîya babeta sucdarkerdişî, derheqê sucan ê şerî yê dewleta tirkî qezaya Sûrî ya Amedî de bî.

Rojnamegerî seba ke xebera Ajansê Xeberan yê Dîcle (DÎHA) hesabê xo yê medyaya komelkî de pare kerdî û derheqê înan de doze ameye akerdene. Roniştişê 4ine yê doza rojnamegerê ke înan rê doze ameye akerdene Omer Çelîk, A. Vahap Taş, Çagdaş Kaplan, Selman Çîçek, Hamza Gunduz, Înan Kizilkaya, Kemal Sancili û Selîm Gonençê 9. Mahkemeya Cezaya Girane de ameye vînayene. Rojnameger Kemal Sanciliyo ke dewayêka bîne ra tepişte yo, Zîndanê Tîpa Fyî yê Edîrne ra bi SEGBÎSî tewrê roniştişî bi. Rojnamegerê bînî tewrê roniştişî nêbîyî. Dozgerîye parekerdişanê serê medyaya sosyale sey hedefmojnayîşê Çîtîlî şîrove kerd û waşt ke rojnamegerî serrêk ra hîrê serran bêrê cezakerdene. Avûkatê rojnamegeran Resûl Tamûrî seba ke pawitiş bike waştişê wextêkî kerd. Mahkeme waştiş qebul kerd û roniştişê dewa yê verba rojnamegeran taloqê 8ê kanûne kerd. AMED 

Dikarî Biecibînî