Polîsan waşt kafeyêk de deyrê kurdî nêrî goşdarîkerdene

Polîsê ke kafeyêk qezaya Sûrî de roniştêne vera deyranê kurdî de bêtehamulî nîşan dayî. Ame zanayene ke polîsan xebatkaranê kafeyî rê vatî: “Şo nê deyran bibedilne, ma ci ra fehm nêkenî.”

Vera ziwan û deyranê kurdî de bêtehamulî dewam keno. Grûbek polîsî zî mîyan de û selahîyetdarê polîsan zî mîyan de vizêr şewe kafeyêk qezaya Sûrî ya Amedî de roniştî. Kafe de YouTube ra deyrê kurdî ameyêne vatene. Ame zanayene ke polîsan xebatkaranê kafeyî rê vatî: “Şo nê deyran bibedilne, ma ci ra fehm nêkenî.”

Bêtehamulîyê polîsan ra dima wayîrê kafe zî deyranê ke ameyêne vatene nêbedilna û YouTube ra herikîyayîşê deyranê kurdî dewam kerd.

Polîsî heta saetanê erê yê şewe zî kafe de roniştî. Ame zanayene ke polîsî serê sibayî ra heta şewe dormeyê kafeye ra şîyî û ameyî.

Ganû bêro vîrvistene ke rojanê verênan de zî Êlih de polîsan mîkrofon destê deyrvajê kurdî ra girewtîbî û destûr nêdayîbî ke deyrê kurdî bêrî vatene.  AMED