Hêrişî bibî zî arêdayîşê zeytûnan dest pêkerd

Vera Efrînî de hêriş û dagîrkerîya dewleta tirkî û çeteyanê ci dewam kenî. Efrînijê ke qezayanê Şêrawa û Şehba de cuyenî, herçiqas ke hêrişê artêşa tirkî û çeteyanê ci dewam kenî zî dest bi arêdayîşê zeytûnan kerd

Şarê Efrînî her serre aşma Teşrîna peyêne de dest bi arêdayîşê zeytûnanê xo kerdêne. Badê ke dewleta tirkî û çeteyanê ci hêriş kerd, şar mecbûr mend ke koçê Kantonê Şehba bikero. Sivîlê ke Efrîn de mendî zî hêrişanê çeteyan ver nêşênî berardiş bikerî. Çimkî artêşa tirk û çeteyê ci heme berî talan kenî.

Emser şar kantonê Şehba û Şêrawa de herçiqas ke hêrişî dewam kenî zî dest bi arêdayîşê zeytûnan kerd. Şar îxtîmalê tehlukeyî bibo zî hewl dano demêko raver beranê xo arê bido. Seba ke çeteyanê DAIŞî cayanê berardişgehan talan kerdo, cayê berardişî kêmî yî. ŞEHBA