Pero Dundare: Ma do sîya rê nêvajî sipî

Mêrdîn de Nobeta Demokrasîye dewam kena. Parlementera HDPyî ya Mêrdînî Pero Dundare daye zanayene ke xoverdayîş do dewam bikero û va: “Ma do sîya rê nêvajî sipî.”

Nobeta Demokrasîye ya Mêrdînî ya verba xespanê qeyûmî roja 48ine de dewam kena. Çalakîye ewro qezaya Qoserî ya Mêrdînî de ameye viraştene û HDPyîjî û şar tewrê ci bîyî. Çalakîya verê Meydanê Azadîye hûmara Dayikê Aştîye zaf bale ante û deyîrî ameyî vatene.

Badê çalakîya roniştişî parlementera Partîya Demokratîke ya Şaran (HDP) Pero Dundare Roja Mamostayan ya Cihanî fîraz kerde û derheqê perwerdekaranê ke têkoşînê ziwanê dayîke dayê de qisey kerde. Dundare bale ante babeta ziwanê dayîke û qedexekerdişê kurdkî ser û va: “Merdimî hema zî seba ke deyîranê bi kurdkî vanê yenê destbendkerdene. Îqtîdar deyîranê ma ra terseno. Cara tarîxê îqtîdarî wina yo. Merdimê ke kurdkî qisey kenê teda vînenê. Tarîxê qeyûmî zî wina yo. Qeyûmî zî dibistanê ma ke bi kurdkî perwerde dayêne padayî. La ma ziwanê xo ra fek vera nêdanê. Ma têkoşînê xo yê ziwanê dayîke rê do dewam bikê.”

Dundare derheqê fezlekeyanê parlementeranê HDPyî de zî qisey kerde û va: “75 hebî zî ney, şima bi hezaran fezlekeyî zî amade bikêrî, ma do têkoşînê demokrasîye ra fek vera nêdê. Ma do sîya rê nêvajî sipî.”

Eşkerayîye bi sloganê ‘Ma do pê xoverdayîşî ser bikewê’ qedîyaye. MÊRDÎN