Hepsîyo nêweş Kînyas Gulcanî wefat kerd

Hepsîyo nêweş Kînyas Gulcano 59 serre yo ke Zîndanê Tîpa Lyî yê Patnosî de bi û 6 rojî verê cû amebi berdene bi Nêweşxaneyê Dursun Odabaşi yê Zanîngehê Yuzunci Yilî wefat kerd

Gulcano ke serra 1993 de kewt zîndan 10 serrî tede mend. Gulcan 1ê êlula 2018î de bi îddîayê ‘hetkarîya rêxistine’ amebi tepiştene û 6 serrî û 3 mengî ceza cirê ameybîe dayene. Gulcan 6 rojî verê cû seba kê bedenê ci enfeksîyon girewtibi, ame berdene bi nêweşxaney. Tepişteyo nêweşî vizêr şan nêweşxane de wefat kerd.

Rêxistina HDPyî ya Wanî û parlamenterê HDPyî zî ameyî verê nêweşxaneyî. Lajê ey Mehmet Gulcanî va: “Babîyê mi çend rey anjîyo bîyo. Zaf neweşîyê ci estbî. Dimayê amelîyatan bedenê ci enfeksîyon girewt. Seba ke babîyê ma zîndan de nêmano ma zaf muracat kerd. Babîyê mi 6 rojan tîya de koxuşê tepişteyan de mendo û kes pê ey eleqedar nêbi. Dimayê hîrê rojan doktor ame o berd bi beşê nêweşîya girane.” WAN