Fûarê kitaban bi beşdarbîyayîşêko gird qedîya

Fûarê Kitaban yê TUYAPî ke emser reya 7. bi destekê Yewîya Weşanxaneyanê Tirkîya û Odeyê Tîcaret û Sanayî yê Amedî ra ame organîkerdene, 28ê Êlule de dest pêkerd û 6ê Teşrîna verên de qedîya

Fûarê Kitaban yê TUYAPî ke emser reya 7. bi destekê Yewîya Weşanxaneyanê Tirkîya û Odeyê Tîcaret û Sanayî yê Amedî ra ame organîkerdene, 28ê Êlule de dest pêkerd û 6ê Teşrîna verên de qedîya. Fûar Merkezê Kongre û Fûarî de virazîya û ame dîyayene ke emser eleqeyêko gird fûarî rê estbi.

Fûaro ke bi şîarê ‘Cografyaya kehene ya nuşteyî’ de ame organîzekerdene û wendoxan bitaybetî peynîya hewteyî de eleqeyêko gird nîşanê fûarî da. Emser pêro pîya 160 weşanxaneyî beşdarê fûarî bîyî û fûar de nizdîyê 75 aktîvîteyê kulturkîyî virazîyayî.

Goreyê melumato ke hetê Mudirê TUYAPî yê Herême ra ame dayene, emser nizdîyê 175 hezar merdimî beşdarê fûarî bîyî û heta nika hûmara tewr zaf ya beşdarbîyayîşî ya. AMED