HPC 5 çeteyanê DAIŞî bêtesîr kerd

Hêzê Pawitişê Komelî (HPC) bajarê Serêkanîye de hêrişê çeteyanê DAIŞî yê ke vera sivîlan serê kar de bî veng vet. Netîceyê mudaxaleyê HPCyî de 5 çeteyî bi saxî ameyî tepiştene

Wexto ke hêzê artêşa tirkî vera rojawanê Kurdistanî de hêrişê dagirkerî daye destpêkerdene grûbê nimite yê çeteyanê DAIŞî rojawan de kewtî mîyanê hewldayîşan. Çeteyê ke waştî asayîşê bajar xira bikerî, pêkewtiş bivejnî û derbazbîyayîşê hêzê dagirker asan bikerî raştê operasyonê şervananê Hêzê Sûrîyeya Demokratîke (HSD) û hêzê asayîşî yê mîyanenî ameyî.

Goreyê xebera ke çimeyê herême ra ameye girewtene, grûbêk çeteyê DAIŞî hewl da ke Serêkanîye de hêrişê sivîlan bikerî û pêkewtiş bivejnî. Hêzê Pawitişî yê Komelî (HPC) Çerxerayîrê Şehîdan yê Serêkanîye de grûbê nimite yê DAIŞî tepişt û înan saxî qefilnayî.

Çeteyê DAIŞî ewro serê sibayî hewl dayî ke hêrişê sivîlanê dewa Tiwêmîya ya başûrê Serêkanîye bikerî. Hêzê Asayîşî zî cewab dayî û netîceyê pêrodayîşî de 4 çete ameyî kiştene. SERÊKANIYÊ

Dikarî Biecibînî