Dewleta tirkî Girê Spî de 4 sivîlan qetil kerde

Teyareyê şerî dewa Baciliyî ya Girê Spî de sivîlan bombardûman kerdî. Netîceyê hêrişan de 4 sivîlî şehîd bîyî û 4 sivîlî zî birîndar bîyî

Hêrişê dagirkerî yê dewleta tirkî û komê çeteyan yê girêdayeyê aye yê vera rojawanê Kurdistanî dewam kenî. Artêşa tirkî bi hawayo wehşane hêrişê herême kena û herêmanê sivîlan bombardûman kena.

Goreyê xeberanê peynî teyareyê şerî yê dewleta tirkî dewa Baciliyî ya Girê Spî de sivîlan bombardûman kerdî. Ame zanayene ke netîceyê hêrişanê artêşa tirkî de 4 sivîlî şehîd bîyî û 4 sivîlî zî birîndar bîyî.

Sewbîna teyareyê şerî yê dewleta tirkî nuqtayanê weşî û nêweşxaneyanê Serêkanîye zî bombardûman kena. Kadroyê weşî yê Heyva Sor a Kurdistanî binê bombardûmanan û topbaranan de hewl dano ke birîndaran bixelisno û bibî cayanê asayîşî.

Endamê Heyva Sor a Kurdistanî Ebdulezîz Mehmûd Îbrahîm da zanayene ke binê bombardûmanan de înan 4 sivîlanê ke birîndar bîyî berdî nêweşxaneyanê teberê bajarî. GIRÊ SPÎ

Dikarî Biecibînî