Mesûd Barzanî: Roj roja yewîye ya

Merkezê Xeberan

Serekê pêroyî yê PDKyî Mesûd Barzanî bi eşkerayîyêke dîyar kerd ke rojawanê Kurdistanî nika binê tehlukeyêko gird de yo û vera tehdîtêko winasî de roj roja pêvînayîş û yewîyeya kurdan a

Serekê pêroyî yê Partîya Demokratîke ya Kurdistanî (PDK) Mesûd Barzanî derheqê hêrişanê dagirkerîye yê dewleta tirkî û çeteyanê girêdayeyê aye yê vera rojawanê Kurdistanî de mesajêk pare kerd.

Mesajê Mesûd Barzanî wina yo:

“Ma prosesanê verênan de seba ke dej û şer rojawanê Kurdistanî ra dûrî bibî, ma heme îmkananê xo seferber kerd. Labelê mîyanê çend rojanê peyênan de rojawanê Kurdistanî hêrişêko gird reyde rî bi rî yo. Nika mîyanê rewşêka tehluke de yo.

Dewamkerdişê hêriş û şerê rojawanê Kurdistanî, hem seba şarê rojawan û hem zî seba heme şarê herême tehlukeyêk zaf gird î. Ez veng dana heme hetan; rewşa ke vejîyaya raşte şaşîya kamî hetî bena wa biba, ya zî kam nê hêrişan rê zemîn amade kerdo wa bikero, roj roja munaqeşakerdişê nê çîyan nîya.

Roj aye roje nîya ke ma hêrsê yewbînan bibî û vera yewbînan de bivinderî. Vera no tehlukeyo gird yê serê şarê kurdî de roj roja aqil û ruhêko ortax a. Ganî ma seba têkberdişê no tehlukeyo werte yê girdî, seba ke ma şarê xo biresnî asayîş û seba ke ma bieşkî vernîya bedilnayîşê demografyaya herême bigîrî, roj roja yewîye ya.”

Dikarî Biecibînî