HSD: Hêrişê îşxalkarî bêmabên dewam kenê

Merkezê Xeberan

Merkezê Çapemenîya HSDyî da zanayene ke hêrişê îşxalkarîye yê dewleta tirkî bêmabên dewam kenê û netîceyê hêrişanê roja 11ine eşkera kerd

Merkezê Çapamenîya Hêzê Sûrîyeya Demokratîke (HSD) bi eşkerayîyêk da pêhesnayene  ke her çiqas ‘adirbirnayîş’  esto zî îşxalkarî hêrişanê xo yê verba hêzanê HSDyî rê dewam kenê.

Goreyê eşkerayîye netîceyê hêrişan ê roja 11ine yê îşxalkarîya dewleta tirkî wina yo: “Artêşa îşxalkare ya Tirkî dewanê Serêkanîyê de mabên nêda têgêrayîşanê xo û tayê Herêman de amadekarîya hêrişî kerde. Dewanê el-Hebeş û Şikêrîyê de komanê çeteyan ê artêşa tirkî ya îşxalkare waşt hêriş bikê sere çeperanê ma. Komanê çeteyan bi çekanê giranan û wesayîtanê zirxî nêzdîya xetan de hêrişê yewîyanê ma kerd. Hêzanê ma netîceyê pawitişî yo meşru de cewab da hêrişan û pêkewtiş qewimîyo.Netîceyê cewabdayîşî yê hezanê ma de hêrişê çeteyan ame şiknayene. Artêşa îşxalkare dima herême bombardûman kerde. Artêşa îşxalkare bine qerarê adirbirnayîşî de zî amadekarîya xo yê hêrişkerdişî yê serê xetanê Til Xenzîr û Elokî rê zî dewam kerde û sere sînorî de hûmarayêka çeteyan kom kerde.

Netîceyê hêrişan ê artêşa îşxalkare û komanê aye  û hêrişanê hewayî yê bi dronî de, 16 embazê ma şehîd bîyî û 3 embazê ma zî birîndar bîyî.”

Dikarî Biecibînî