HSD: Birayê serçeteyo ke îşkence bi cenazeya şervana YPJyî kerd ame tepiştene

Merkezê Xeberan

HSD bi eşkerayîyêke da zanayen ke hêzê înan bi operasyonêk taybet serçeteyê bi nameyê Îsmaîl Zaîmî tepiştî. Zaîmî birayê serçeteyê bi nameyê Mihemed Zaîmî ke hêrişê cenazeya şervana YPJyî şehîd Amara Rênase kerdbî yo

Merkesê Resnayîşî yê Hêzê Sûrîyeya Demokratîke (HSD) bi eşkerayîyêke dîyar kerd ke yewîyê înan yê asayîşî bi operasyêko taybet serçeteyê bi nameyê Îsmaîl Zaîmî ke birayê serçeteyê Mihemed Zaîmî ke hêrişê cenazeya şervana Yewîya Pawitişê Cinîyan (YPJ) şehîd Amara Rênase kerdbî, tepiştî.

Eşkerayîya HSDyî wina yo:

“Artêşa tirkî ya dagirkere û komê çeteyan yê pabesteyê aye hêrişê vera vakurê Sûrîye û rojawanê Kurdistanî kenî, seba viraştişê pêkewtiş û şerê mabenê şarî yewîyê xo yê nimite kenî dewre û planê hêrişan kenî. Yewîyê ma yê asayîşî demêko dergo ke kesê ke hemverê şar û hêzanê ma yê leşkerî de plananê hêrişan kenî, taqîp kenî.

Na çarçewe de hêzê ma badê taqîpkerdişêko demêko derg 6ê teşrîna peyêne de bi operasyonêko taybet serçeteyo bi nameyê Îsmaîl Zaîmî tepiştî. Serçete Îsmaîl Zaîmî birayê serçeteyê bi nameyê Mihemed Zaîmî ke hêrişê cenazeya şervana YPJyî şehîd Amara Rênase kerdbî û hêrişê dagirkerîye de bi hawayêko aktîf ca gêno yo. Mihemed Zaîmî kesê ke hêrişê cenazeya şervana YPJyî şehîd Amara Rênase kerdbî ra yew o. Ame tespîtkerdene ke serçeteyo ke nika mîyanê Ceyş El Îslamî de aktîf ca gêno, seba ke hemverê fermandaranê HSDyî de plananê hêrişan bikerî, birayê xo reyde mîyanê têkilî de bî.”

Dikarî Biecibînî