Temellîyî Dêrsimî de qisey kerd: Wextê îqtîdarî ra xelisîyayîşî ame

Hemserekê Pêroyî yê HDPyî Sezaî Temellîyî îfade kerd ke meşrûtîya hukmatî nêmende û va: “Wext wextê weçînayîşî yo wextê nê îqtîdarî ra xelisîyayîş o.”

Hemserekê Pêroyî yê Partîya Demokratîke ya Şaran (HDP) Sezaî Temellîyî tewrê Kongreya 3. ya Rêxistina HDPyî ya Dêrsimî bi.

Temellîyî kongre de derheqê prosesê sîyasî de tay ercnayîşî kerdî. Temellîyî vat: “Senî ke Terteleyê 38î de qirkerdiş bi ewro zî esto. Sey 90an ewro zî koçkerdiş dewam keno. Îqtîdar tarîxî reyna dano ciwîyayene. Rewşa ke nê îqtîdarî kerde bobelat o. Na mesele senî yena çarekerdene kifş o. Merdimê ke çarekerdişê na mesele ra remenê seba nê welatî xirabîye kenê. Her ke HDP rastîye ano ziwan û seba sîyasetê demokratîkî çare keno no îqtîdar deşîfre beno. Ma vanê ke ma pîya nê zulm û polîtîkayê şerî do vindarnê. No şar sîyaset keno, pê sîyasetî do qeyûman çin biko. Têna talankerdiş, şer, dişmenîya kurdan, bêedaletîye ra fam kenê. Naye ra no qabîne xirab beno. Meşrûtîya ci çin a. No îqtîdar wayîrê ê îrade û zanayîşî nîyo ke meselan çare bikero. Wext wextê weçînayîşî yo, wext wextê nê îqtîdarî ra xelisîyayîş o. No îqtîdar seba nê welatî her roje xirabîyêka newîye keno. Ma venga pêro cinîyan, kedkaran, bawerîyan, şaran danê ke dormeyê demokrasîyî de kom bibê. Ma venga nînan danê ke ma pîya şorê weçînayîşê verwextî.” DÊRSIM 

Dikarî Biecibînî