Komeleya Nuştoxan ya Mezopotamya abîye

Hemserekê Komeleya Nuştoxan ya Mezopotamya ke bi ferasetê edebîyatê zafziwaninî Merdînî de ronayîşê xo îlan kerd Eyub Guvenî ard ziwan ke ê do paştî bide nuştoxan labelê derfetê çapkerdişî peyda nêkerdo û newe dest pê cuya nuştişî kerdo

Komeleya  Nuştoxan ya Mezopotamya ke Merdîn de ameya ronayene sey armanc nayo xo ver ke nuştoxanê ke herême de ciwîyenê bîyara têleye. Herême de nuştoxê ke ziwananê Tirkî, Kurdkî, Erebkî, Suryankî, Armenkî de eserî dayê ameyê têleye û seba ke paştî bidê nuştoxan ke ziwanê xo de eseran ber bîyarê na komele naye ro û sey modelê îdareyî zî xo rê hemserekîye esas girewte.

Hemserekîya komeleya ke ronayîşê xo bi 26 nuştoxan kerdo temam, nuştoxê kurdan Eyub Guven û Leyla Yarar girewt xo ser.

‘Do paştî bidê nuştoxanê neweyan’

Guvenî dîyar kerd ke ronayîşê komele bi mabênçîyîya Yewîya Nuştoxan a Mîyanneteweyî ya Kurdan (PENê Kurd) ameyo kerdene. Guvenî wina vat: “Ma seba ke vengîya ke warê edebîyatî de esta pir kerê teşebusê xebatêka winasî kerde. Armancê ma o yo ke ma paştî bidê û heqanê nuştoxanê ke herêma ma de nusenê bipawerê, tespît bikerê ke nuştoxê ma eşkenê se bikerê û mîyanê nuştoxanê ma de paştgîrî temîn bikerê.”

‘Ma wazenê ke kulturê herême yê zafziwaninî bidê ciwîyayene’

Guvenî nîşan kerd ke pêro nuştoxî ganî ziwanê xo de eseran ber bîyarê û wina dewam kerd “Ma wazenê ke kulturê herême yê zafziwaninî bidê ciwîyayene. Ma yew koma ke nuştoxê kurd, ereb, armenî, suryanî têhet de yê naye ro. Ma cigêrayîşan kenê ke ma senî eşkenê edebîyat û kulturê ke ameyê vîndîkerdene newe ra bidê ciwîyayene.”

Guveno ke vano “Ma dêsan xo rê nêkenê sînor” ard ziwan ke nuştoxê endamî ziwanê xo de panel, teraqe, têhetameyîşê nuştox û wendoxan serûber kenê. Guvenî dîyar kerd ke planê înan esto ke atolyeyanê şîîran ronerê. Guvenî îfade kerd ke ê do sey komele tena kaxidî ser o estbîyayîşê xo dewam mekerê eksê ci şarê reyde bêrê têhet. MÊRDÎN 

Dikarî Biecibînî