YPS: Ma do xeyalanê şehîdanê xoverdayîşê xoîdarekerdişî bîyarê ca

Koordînasyonê YPSyî serrgêra dormegirewtişê dewleta tirke ya îşxalkere yê vera Cizîr, Silopî û Sûrî ser o beyanatêk weşana. YPSyî va: Ma do xeyalanê şehîdanê xo yê xoverdayîşê xoîdarekerdişî bîyarê ca.”

Koordînasyonê Yewîya Pawitişê Sîvîlan (YPS) serrgêra dormegirewtişê dewleta tirkî ya dagirkere yê vera Cizîr, Silopî û Sûrî ser o beyanatêk weşana.

Beyanatê YPSyî wina yo:

“Têkoşînê azadîya yo ke hetê şarê ma û Têgêrayîşê Azadîya Kurdîstanî ra 42 serran ra nata bêmaben yeno kerdene bi heman coşî dewam keno. Têkoşînê ma hem Kurdîstanî de hem zî Rojhelatê Mîyanênî de bi têkoşînê erjê merdimîye.

Ma ewro alaya ke ma nameyê merdimîye ser o girewte bi hawayêkê rastî berz kenê. 40 serran de vera faşîzmê tirkan, vera DAIŞî xoverdayîşê pîlî ameyî kerdene. Zaf çêrî şehîd kewtî.

2ê kanûna 2015î de hukmatê faşîst ê AKP-MHPyî seba ke ruhê xoverdayîşê azadîye bişiknê Cizîr, Silopî û Sûrî de dest pê dormegirewtişan kerd. Her şaristanî de grûbanê bi 50-60 kesan vera top û tankanê faşîstan bi bawerîya xo ya seba azadîya şaristanê xo pawitî. Rayberîya Fermandar Ş. Çîyagerî de Xoverdayîşê Sûrî xoverdayîşêko tewr derg ê tarîxî yo. Tam 105 rojî xo ver da. Cizîrî de rayberîya embazanê Rûkene û Arjîne de ruhêko xoverdayox vejîya meydan. Sîlopî de embazanê ma Eriş, Sewe, Pakîze û Fatma heta nefesê xo yê peyênî vera faşîzmî xo ver da.

Ma şexsê şehîdanê xo yê pîlan Çîyager, Zeryane, Eriş, Kawa, Xebatkar, Amara, Nucane, Munzur, Senar, Îslam, Soro, Dayîka Taybet, Rûkene de pêro şehîdanê xoîdarekerdişî yad kenê. Ma soz danê ke ma do xeyalanê înan û têkoşînê înan bîyarê ca. Ma soz danê şarê xo ke ma do qesasê embazanê xo bigêrê û dişmenan erdê xo ra vejê.” ANF

Dikarî Biecibînî