Remzîyeya ke ame îdîakerdene întixar kerda: Bi zorî ameya zewecnayene

Ame zanayene ke qezaya Hênê ya Amedî de cinîya bi nameyê Remzîye Yalçine emrê xo yê şenîkîye de bi zorî ameya zewecnayene û 2 serranê zewaca xo de hetê pîyê mêrdeyê xo ra raştê îstismarî ameya. Kesa ke Remzîye şinasnena û nêwaşte nameyê xo bida daye zanayene ke Remzîye verê ke psîkolojîyê aye baş bibo sewbîna kesêk reyde ameya zewecnayene

8ê kanûne de dewa Nerîbê Axo ya qezaya Hênê ya Amedî de cinîya bi nameyê Remzîye Yalçina ke emrê aye mabenê 18 û 19 serrî de yo b hawayo şikin întîxar kerde. Amebi îdîakerdene ke Yalçine bi tifingê pîyê xo gule reşênaya pîzeyê xo. Yalçina ke birîndar bîye sere de wedarîyabi Nêweşxaneyê Qezaya Hênê û dima ra sewqê Nêweşxaneyê Fakulteya Unîversîte ya Dîcle ya Amedî ameye kerdene. Yalçine rayîr de cuya xo vindî kerdbi. Ame zanayene ke Yalçine emrê xo yê şenîkîye de bi zorî ameya zewecnayene û xo dima notêk verdaya.

Mergê Yalçine ra dima tehqîqat dîya destpêkerdene û îfadeyê şahidan ameyî girewtene. Labelê çarçeweya tehqîqatî de kesêk bi sifatê ‘şikin’ îfade nêda. AMED

Dikarî Biecibînî