Roniştişê yewine yê doza hemşaredaranê Pasûrî siba yo

Hemşaredarê Pasûrî Mehmet Fatîh Taş û Fatma Ay yê ke wezîfe ra ameyî girewtene û ameyî tepiştene siba do roniştişê doza înan o verên bêro kerdene

Hemşaredarê Pasûrî Mehmet Fatîh Taş û Fatma Ay, Mudirê Karanê Fenî Şener Aktaş, Hemserekê HDPyî yê Pasûrî Abidîn Karaman, Mehmet Emîn Ay, endamê Meclîsê Şaredarîya Pasûrî Yucel Çete û operatorê Kepçe Umît Fîdan yê ke çerçeweya tahqîqatê teqayîşê qezaya Pasûrî ya Amedî de ameybî tepiştene siba do roniştişê doza înan o verên 9. Mehkemaya Cezaya Girane ya Amedî de bêro viraştene.

Hemşaredar Mehmet û Fatma bi îdiayê “Propagandaya rêxistine kerdî”, “Bi qestî kiştiş”, “Bi zanayîş madeyê tehluke verê xo de verdayîş û dest bedilnayîş”, “Yewîya dewlete û welat letekerdiş”, “Pesindayîşê suc û sucdaran” û “Xebetnayîşê çekanê kîmyewî, bîyolojik û nuklerî” ra yenî sucdarkerdene.

Abidîn Karaman, Umît Fîdan, Mehmet Emîn Ay û Yucel Çeteyî zî bi îdiayê “Propaganda rêxistine kerdî” û “Pesindayîşê suc û sucdar kerdî” ra yenî sucdarkerdene.

Roniştişê doze do 9. Mehkemaya Cezaya Girane ya Amedî de bêro viraştene. AMED 

Dikarî Biecibînî