Cenazeyê ke Goristanê Garzanî ra ameybî vetene badê di serran ameyî definkerdene

267 cenazeyê ke bê xebera keye û merdimanê înan Goristanê Garzanî yê dewa Oleka Corî yê Bedlîsî ra ameybî vetene ra 10ê ci rojanê verênan de dîyabî keyeyanê înan. Nê cenazeyan ra yew zî ya Nadîre Elma bîye. Cenazeya Nadîre Elmaye vizêr şewe Nisêbîn de ameye definkerdene

19ê Kanûna 2017î de Goristanê Garzanî yê dewa Oleka Corî yê Bedlîsî ra 267 cenazeyî bê xebera keye û merdimanê înan ameybî vetene û erşawîyaybî Dezgehê Tibê Edlî yê Stenbolî (ATK). Esteyê 8 gerîlayanê PKKyî yê ke hetê dewlet ra dest ame sernayene û badê di serran teslîmê keyeyanê înan bîyî, Bedlîs de goranê cîyayan de ameyî definkerdene. Destûr nêdîya ke cenazeyî têkişte de bêrê definkerdene.

267 cenazeyê gerîlayanê PKKyî yê serra 2017î de Goristanê Garzanî yê Bedlîsî ra ameybî vetene û dima Goristanê Kîlyosî de amebî definkerdene. 10ê nê cenazeyan testanê DNA ra dima perey teslîmê keyeyanê înan bîyî. Cenazeya Nadîre Elma Nisêbîn de cenazeya Muzeyyene Gordegîr zî Êlih de ameye definkerdene.

8 cenazeyê bînî zî dewanê Bedlîsî de ameyî definkerdene.  Polîsan û cendirmeyan berdiş û definkerdişanê cenazeyan de keyeyî vist binê teda. Cendirme û polîsan destûr da ke têna her keye ra 3 kesî beşdarê definkerdişî bibê û destûr nêda ke cenazeyê ke heman goristanî de yê têkişte de bêrê definkerdene. Naye ra mîyanê cenazeyanê heman goristanî de 15-20 metre esto. MÊRDÎN

Dikarî Biecibînî