Destûr nêdayî ke cenaze têkişta yewbînan de bêrî definkerdene

Esteyê 8 gerîlayanê PKKyî yê ke hetê dewlet ra dest ame sernayene û badê di serran teslîmê keyeyanê înan bîyî, Bedlîs de goranê cîyayan de ameyî definkerdene. Destûr nêdîya ke cenazeyî têkişte de bêrê definkerdene

19ê Kanûna 2017î de Goristanê Garzanî yê dewa Oleka Corî yê Bedlîsî ra 267 cenazeyî bê xebera keye û merdimanê înan ameybî vetene û erşawîyaybî Dezgehê Tibê Edlî yê Stenbolî (ATK). 267 cenazeyê gerîlayanê PKKyî yê serra 2017î de Goristanê Garzanî yê Bedlîsî ra ameybî vetene û dima Goristanê Kîlyosî de amebî definkerdene. Nê cenazeyan ra yê 10 kesan badê ke DNAyê înan yewbînan tepiştî, Goristanê Bêkesan yê Kîlyosî ra ameyî vetene û teslîmê keyeyanê înan ameyî kerdene. Nê 10 cenazeyan ra yê Nadîre Elmane vizêr şewe Nisêbîn de û yê Muzeyyen Gordegîre zî dewa girêdayeyê Bedlîsî de ameyî definkerdene.

8 cenazeyê bînî zî dewanê Bedlîsî de ameyî definkerdene.  Polîsan û cendirmeyan berdiş û definkerdişanê cenazeyan de keyeyî vist binê teda. Cendirme û polîsan dekewtiş Amed û Bedlîsî de 3 reyan kontrolê kamî kerdî. Cendirme û polîsan destûr da ke têna her keye ra 3 kesî beşdarê definkerdişî bibê û destûr nêda ke cenazeyê ke heman goristanî de yê têkişte de bêrê definkerdene. Cenazeyê ke eynî goristan de ameyî definkerdene zî dûrê yewbînan ameyî definkerdene. Naye ra mîyanê cenazeyanê heman goristanî de 15-20 metre esto.

Nasnameyê 10 cenazeyanê ka emeyî definkerdene wina yê: Ferhat Can (Ferhat Garzan), Burhan Altintaş (Numan Tatvan), Fedakar Turan (Vecîp), Faysal Bîngol, Mehmet Reşît Karakoç, Necla Karabey (Zekîye), Ahmet Doner (Edîp), Behzat Yildirim (Kanî Garzan), Muzeyyene Gordeger (Bêrîvane), Nadîre Elma (Nalîne). BEDLÎS 

Dikarî Biecibînî