Şewatê Awusturalya: Dû resa Amerîkaya Başûre

Merkezê Xeberan

Awusturalya de şewatê ra bi desan kesî û bi se mîlyonan heywanî merdbî. Ame parekerdene ke dûyê nê şewatî resa Şîlî ya ke Awusturalya ra 12 hezar kîlometreyan dûrî ya

Menga êlule ra nata Awusturalya de daristanî vêşenê. Nê şewatan de heta nika 8 mîlyon hektar warî bîyî wel. Dûyê şewatî resa Amerîkaya Başûrî ya ke Awusturalya ra bi hezaran kîlometreyan dûrî ya.

Selahîyetdaranê Şîlî û Arjantînî eşkerayîye daye û pare kerd ke dûyê şewatê Awusturalya resa welatê înan. Eşkerayîyan de ame parekerdene ke dû Okyanusê Pasîfîkî ser o resa Şîlî ya ke Awusturalya ra 12 hezar kîlometreyan dûrî ya.

Ajansê meteorolojîyî yê Arjantînî SMNyî da zanayene ke dû şeş hezar metreyan ra dima dest pêkeno û îxtîmal çin o ke bikewo la dûyî ra tîje bîye sûr.

Yeno vatene ke nê hewrî dûyê xo biresnê heta Brezîlya.

Dikarî Biecibînî