Mazlum Ebdî: 3 hezar û 286 kesî vindîbîyaye yî

Merkezê Xeberan

Fermandarê Pêroyê yê HSDyî Mazlum Ebdî dîyar kerd ke herêma vakur û rojhelatê Sûrîye de 3 hezar û 286 kesî vindîbîyaye yî. Ebdî da zanayene ke ê do derheqê sucê ke ameyî kerdene de Komîteya Cigêrayîşî awan bikerî

Fermandarê Pêroyê yê Hêzê Sûrîyeya Demokratîke (HSD) Mazlum Ebdî hesabê xo yê medyaya komelkî ser de dîyar kerd ke herêma vakur û rojhelatê Sûrîye de 3 hezar û 286 kesî vindîbîyaye yî û hetê çeteyanê çekdarin yê cîya-cîyayan ra ameyî remnayene. Ebdî da zanayene ke hayîya înan aqûbetê nê kesan ra çin a û ê do derheqê sucê ke ameyî kerdene de Komîteya Cigêrayîşî awan bikerî

Ebdî da zanayene ke ê do derheqê babete de Komîteya Cigêrayîşî awan bikerî û wina va: “No komîsyon do faîlê hedîseyan muhakeme bikero û rayapêroyî reyde pare bikero.”

Ebdî dewamê qiseykerdişê xo de înan va: “Têkoşînê seba vindîbîyayeyan, berpirsîyarîyêko qanûnî û exlaqî yo ke keweno milê ma heminan ser. Herêma ma de 3 hezar û 286 kesî vindîbîyaye yî. Nê kesî Kobanê, Efrîn û Cizîrî ra ameyî remnayene. DAIŞ 544 kes, komê îtîlafê watanî yê Sûrîye 2 hezar û 368 kes û cihadîstê emnî yê rejîmê Sûrîye zî 374 kesan ramna yî. Herêma ke binê kontrolê ma de ya ra zî 8 kesî ameyî remnayene.

Do derheqê sucê ke ameyî kerdene de Komîteya Cigêrayîşî bêra awankerdene. Netîcetê cigêrayîşan do demêko kilm de rayapêroyî reyde bêrê eşkerakerdene.”

Dikarî Biecibînî