Îranî eşkera kerd ke bi şaşî teyaraya Ukrayna wistî war

Îranî eşkera kerd ke teyaraya Ukrayna bi şaşîye ameye wardayene

Îranî da zanayene ke teyaraya Hewarayîranê Ukrayna ya ke tede 176 kesan cuya xo vînî kerde bi şaşîye dîyaye war.

Wezîrê Karanê Teberî yê Îranî Cevad Zarîfî vat: ‘‘Xetayê merdimî û maceraperestîya DYA bîyê sebebê warginayîşê tayara.‘‘ Zarîfo ke twîtter ser ra eşkerayîye daye vat: ‘‘Rojêka bidej a. Goreyê netîceyê cigêrayîşê hêzanê biçekî rîyê xetayê merdimî yê krîzê maceraperestîya DYA ra no felaket bi.‘‘ Zarîfî ozre xo waşt û vat: ‘‘Ma keye û welatanê heme kesanê ke qeza de merdî înan rê serweşîye wazenê.‘‘

Goreyê eşkerayîya artêşa Îranî ya ke televîzyonê dewlete de ameye dayene teyaraya Ukrayna gama ke nêzîyê warêkê leşkerî yê Muxafizanê Şorişî ra ravêrtêne netîceyê qeza de ameye piradayene. Eşkerayîye de ame vatene ke kesê ke bîyê sebebê qeza do mîyanê artêşe de bêrê hukmkerdene.

Dikarî Biecibînî