Hemserekê neweyî yê DADî ameyî weçînayene

Musa Kulu û Saîme Topçu kombîyayîşê pêroyî yê 3. ê DADî de sey hemserekan ameyî weçînayene.

Komeleya Elewêyê Demokratîke (DAD) kombîyayîşê xo yê tabîî yê hîrêyînî kerd. Pîr û anayê elewîyan, parlementerê Partîya Demokratîke ya Şaran (HDP) yê Stenbolî Zeynel Ozen, temsîlkarê partî û dezgehan û zaf hemwelatîyî tewrê kombîyayîşî bîyî.

Kombîyayîşî bi tavisnayîşê çirayan û gulbangan dest pêkerd û dima raporê xebatan ameyî wendene. Kombîyayîşî de Zeynel Ozenî, Şixê Ocaxê Çobanî Zeynel Keteyî û Şubeyê Dêrsimî yê Komeleya Heqê Merdiman (ÎHD) ra Gurbuz Solmazî qisey kerd. Qiseykerdişan de bale ameye antene teda û şîdetê dewlete, polîtîkaya asîmîlasyonî û Gulîstan Dokuya ke bi çend rojan o ke vîndî ya.

Qiseykerdişan ra dima Musa Kulu û Saîme Topçu sey hemserekanê neweyan ê DADî ameyî weçînayene. MERSÎN