Dêrsim seba Gulîstane Doku payan ser o

Gulîstane Doku ra bi rojan o ke xeberêke nêna girewtene, embazê ci yê wendekarê zanîngehî zî bi sloganê ”Dêrsim bêveng mebe wayîrê Gulîstane bivejîye” vejîyayî meydanan. Çalakîya wendekaran bînşewe zî dewam kerde

Wendekara Beşê Perwerdeyê Domanan ê Zanîngehê Munzurî Gulîstane Doku bi rojan o ke vînîbîyayeya. Wendekarê cinîyî yê zanîngehî seba Gulîstane weriştî payan ser. Wendekarî bi sloganan, çepikan çalakîyanê xo rê dewam kenê û wazenê ke rewşa Gulîstane cade bêra eşkerakerdene.

Bînşewe cayê mendişanê wendakaranê zanîngehî de wendekaranê cinîyan çalakîyêke viraşte. Hema hema pêro cinîyan fernerî girewtî xo dest û slogananê ‘Cinîye, Cuye, Azadîye’, ‘Gulîstan Doku ça de ya?’, ‘Dêrsim bêveng mebe, wayîrê Gulîstane bivejîye’ qîrayî. Wendekarê camêrdan zî paştî daye çalakîye. Polîsan bi personelanê asayîşî xîret kerd ke çalakîya wendekaran asteng bikerê. Rixmê pêro mudaxeleyan zî çalakîya protestoyî ameye viraştene. Hemwelatijanê Dêrsimî zî keyeyanê xo ra bi tifikan, çepikan û sloganan paştî daye çalakîya wendekaran. DÊRSIM 

Dikarî Biecibînî