Cezaya zîndanî Akinî rê ameye dayene

Mudirê Karanê Nuşteyî yo Verên ê rojnameyê Yenî Yaşamî Osman Akinî rê serrêk û 6 menge û 22 rojan cezaya zîndanî ameye dayene

Roniştişê 2. yê dewaya Mudirê Karanê Nuşteyî yê Verênî yê rojnameyê Yenî Yaşamî Osman Akinî yo ke bi bahaneya xeberanê rojnameyî bi îdîaya ”propagandaya rêxistine” amebî akerdene Mehkema Cezaya Girane ya 24. ya Stenbolî de ame dîyene. Akin beşdarê roniştişî bi.

Avûkatê Akinî Ozcan Kiliçî pawitiş kerd û sucdarîyê Akinî red kerdî. Ozcanî pare kerd ke xeberê ke ameyî kerdene çarçewa azadîya fikrane de ca gênê û wina vat: “Wextêkê dergî ra dima Ocalanî aûkatanê xo reyde pêvînayîş kerd. Rojnameyî zî nê pêvînayîşî kerdî xeber û ca da pêvînayîşanê avûkatan. Muwekîlê mi sucêk nêkerd, ez beratê ci wazena.”

Heyetê mahkeme bira xo eşkera kerde û Akin rê bi îdîaya ‘propagandaya rêxistine’ serrêk û 6 menge û 22 rojan cezaya zîndanî daye û caardişê hukmî taloq kerd. STENBOL 

Dikarî Biecibînî