Amed de sereştişê keyeyan: Polîsan çeke antî sereyê domanêkê 3 serre yî

Polîsan Amed de eştî keyeyan ser û wendekarê lîse Tîrêj Teke binçim kerdî. Dayîka Teke Nezahat Teke dîyar kerde ke polîsan çeke antî sereyê torinê ci yê 3 serre yî

Polîsan nê serê sibayî Gazîler de qezaya Kayapinarî ya Amedî de eşt keyeyêkî ser. Polîsan Tîrêj Tekeyo 17 serrî destbend kerd. Ame zanayene ke polîsan çeke ante sereyê birazîyê ci Ciwanî yo ke 3 serrî yo. Polîsan heman wextî de keye zî serûbin kerd.

Dadîye Nezahat Teke vat: “Polîsan da zîlî ro. O çax lajê mi do bişîyêne dibistane. Polîsan cade sereyê lajê mi ro çeke naye. Mi vat ke lajê mi 17 serrî yo la reyna zî o erdî ser o vindarna. Semedê destbendkerdişî nêvatêne la keyeyê ma de gêrayî û keyeyê ma serûbin kerd. Tornê mi zî keye de bi, çeke naye sereyê ey ro zî. Lajê mi wendekar o, no kerdişê polîsan zulm o. La domanêk eşkeno se bikero, ez nê zulmî qebul nêkena.” AMED 

Dikarî Biecibînî