Terefgîrê Amedsporî cezayanê PFDKyî do protesto bikerê

Gruba Xoverdayîşî ya Terefgîranê Amedsporî siba maçê bi Sariyersporî de bi kincanê sîyayan û konfetîyan qeraranê hakeman û cezayanê PFDKyî do protesto bikerê

Gruba Xoverdayîşî ya Terefgîranê Amedsporî keyepelê xo yê înternetî de na eşkerayîye kerde:

”Ma do 15ê sibate roja şemeyî maçê bi Sariyersporî de kincanê sîyayan bidê xo ra! Şovê ma yê konfetî de zî konfetîyê sîyayî do bêrê xebitnayene. Bi taybetî wextanê peyênan de tedaya serê Amedsporî, qeraranê tewşan ê hakeman û cezayanê nêheqan kerd ke ma wina yew qerar bigêrê. Ma venga pêro terefgîranê xo danê ke 15ê sibate de kincanê sîyayan xo ra bidê û paştî bidê nê qerarê ma yê heqdarî.” AMED

Dikarî Biecibînî