Dêrsim: Cemê Xizirî ame girêdayene û loqmeyî ameyî vilakerdene

Dêrsim de Merkezê Pêroyî yê DADî de cemê Xizirî ame girêdayene û loqmeyê Xizirî ameyî vilakerdene

Merkezê Pêroyî yê Komeleya Elewêyê Demokratîke (DAD) de bi gulbangê Pîr Bakî Aydinî rojeyê Xizirî ameyî akerdene.

Cinîyan loqmeyê qavutî yê menga Xizirî û nîyazê xo ardî û pîran ra loqmeyê gulbangî girewtî.

Ocaxê Şix Çobanî ra Pîr Zeynel Kete, Ocaxê Celal Abbasî ra Pîr Zeynel Batar, Ocaxê Baba Mansurî ra Bakî Aydin û Ana Fîdan Demîr cem îdare kerd. Cem de xoşeberî û semahî ameyî kerdene.

Pîr Zeynel Keteyî xeşebera Xizirî de vat: ”Verê rayîrî dadî ya. Pêro taybetîyê Xizirî komelê riza de taybetîyê cinîyan ê. Ziwanê xozayî aîdê cinîyan o. Xizir ziwanê xozayî yo. Mezgê Xizirî de îqtîdar çin o. Îqtîdar bi rindekîyan yeno qalkerdene, vîrkerdene”

Cem de bi lawikanê bi kirmanckî yê Pîr Zeynel Batarî semahî ameyî kerdene û dima loqmeyê qavutî û nîyazî ameyî vilakerdene.

Hemserekê DADî Musa Kuluyî dergeqê cemê Xizirî de qisey kerd û vat: ”Ma ganî kerdî meyman; meyman Elî yo, şima pêro seba ma Elî yê. Ma xîret kenê ke kultur, bawerî û ziwanê ma çin nêbê. Rayîrê ma, rastîya ma û kulturê ma dewam bikerê. Eke ma rayîrê xo vînî bikerê çîyê ma nêmaneno.” DÊRSIM 

Dikarî Biecibînî