Erdlerzê Îranî: 21 birîndaran ra rewşa 8 kesan krîtîk a

Wezîrê Weşî Fahrettîn Koca da zanayene ke erdlerzo ke serê sînorê Îran û Wanî de virazîya de 21 kesî birîndar bîyî û înan ra rewşa 8 kesan krîtîk a. Selahîyetdarê Îranî zî dîyar kerdî ke 25 kesî erdlerzî de birîndar bîyî

Merkezê Xeberan]

Serê sînorê Tirkîye û Îranî de saet 08.52î de bi girdîya 5.8 de erdlerzêk ame meydan. Erdlerzî de tersêko gird virazîya û pêroyê Wanî de ame hîskerdene. Erdlerz de 7 kesî cuya xo vindî kerdî. Wezîrê Weşî Fahrettîn Koca da zanayene ke erdlerzo ke serê sînorê Îran û Wanî de virazîya de 21 kesî birîndar bîyî û înan ra rewşa 8 kesan krîtîk a. Selahîyetdarê Îranî zî dîyar kerdî ke 25 kesî erdlerzî de birîndar bîyî. Ame zanayene ke erdlerz tewr zêde dewanê qezaya Elbakî ya Wanî de ameyo hîskerdene. Sewbîna ame zanayene ke dewanê Kaşkol, Guvendîk, Ozpinar û Gelenlerî yê sînorî de hema zî hemwelatijê ke binê molozan de yî estî û seba xelisnayîşê înan xebat dewam kenî.

Selahîyetdarê Îranî dîyar kerdî ke erdlerz de 25 kesî birîndar bîyî. Televîzyonê Îranî zî dayî zanayene ke 43 dewan de awanîyî rijîyayî.

Dikarî Biecibînî