Hemwelatijo ke erdlerz de hewar kerdêne krîzê zerrî derbaz kerd

Hemwelatijo bi nameyê Fetah Arslano ke erdlerz de verê keyeyê xo yê rijîyaye de hewar kerdêne, krîzê zerrî derbaz kerd. Arslan nêweşxane de yeno dermankerdene

Erdlerzo ke merkezê ci bajarê Xoyî yê Rojhelatê Kurdistanî de bi girdîya 5.9 de virazîya bî, tesîrêko zêde qezaya Elbakî ya Wanî ser de kerd. Dewa Elbîsî ya Elbakî de xirasêko zêde virazîya. Hemwelatijo bi nameyê Fetah Arslano ke erdlerz de dewa Elbîsî verê keyeyê xo yê rijîyaye de hewar kerdêne, krîzê zerrî derbaz kerd. Arslan anjîyo bî û Nêweşxaneyê Cigêrayîş û Perwerdeyî yê Wanî de yeno dermankerdene.

Dîmenê hemwelatijo ke hewar kerdêne û rewşa ci ya bêçarî serê hesabê medyaya komelkî de ameybî parekerdene. WAN

Dikarî Biecibînî