Komeleya Rosaye seba Dêrsimî veng kerde

Komeleya Cinîyan ya Rosaye, seba eşkerayîya TJAye ke derheqê 8ê Adare ke do startê çalakîyan siba Dêrsim de bida, bi 3 ziwanan vîdeoyêk weşênaye û vengê tewrbîyayîşê aktîvîteyan kerde

Tevgerê Cinîyanê Azadan (TJA) emserr startê aktîvîteyanê xo yê 8ê Adare 27ê Adare de Dêrsim de do bi eşkerayîyêke bida. Komeleya Cinîyan ya Rosaye seba tewrbîyayîşê çalakîyan, seba reaksîyon nîşandayîşê zêdîyayîşê hêrişanê cinsî û vindîbîyayîşê Gulîstan Dokuye ke Dêrsim de vindîbîyaye ya, veng kerde.

Komele bi vîdeoyêk veng daye heme cinîyan û heme cinîyan dawetê Dêrsimî kerde. Vîdeoyo ke ame veşênayene de cinîyî bi zarawayanê kurmancî, kirmanckî û ziwanê tirkî veng kerdî û wina vatî: “Seba ke ma aqûbetê Gulîstan Dokuye bipersî, ma do 27ê Sibate de Dêrsim de bibî.”

Cinîyî do siba saet 07.00î de seba şîyayîşê Dêrsimî Amed ra bikewî rayîr. AMED

Dikarî Biecibînî