Tirkîya de hûmara merdeyan bîye 59

Wezîre Weşîye yê Tirkîya Fahrettin Kocayî da zanayene ke 24 saetanê peyênan de 15 kesanê bînan rîyê janê Korona ra dinyaya xo bedilnaye

Tirkîya de rîyê janê Covîd-19î ra hûmara merdeyan bîye 59, ya nêweşan bîye 2 hezar û 433.

Wezîre Weşîye yê Tirkîya Fahrettin Kocayî hesabê xo yê twîtterî ra eşkera kerd ke 24 saetanê peyênan de 5 hezar û 35 testê bînî ameyî kerdene û înan ra 561 pozîtîf vejîyayî û vat 15 kesanê bînan rîyê janê Korona ra dinyaya xo bedilnaye.

Kocayî vat: ”Heta ewro nêweşanê ma yê dinyaya xo bedilnaye hûmara înan bîye 59. Hûmara nêweşan zî resaye 2 hezar û 433î. Hûmarî dejê vinkerdişî û qesawetî îfade nêkenê. Tedbîr do ma  cuya rê giredo.”

Dikarî Biecibînî