Hûmara kesê ke Vîrusê Korona ra merdî resaye 27 hezar û 367 kesan

Hûmara kesê ke Vîrusê Korona ra cuya xo vindî kerdî vejîyaye 27 hezar û 367 kesane. Sewbîna zêdeyê 597 hezar û 407 kesî zî bi vîrus kewtî

Merkezê Xeberan]

Seke yeno zanayene Vîrusê Korona (Kovîd-19) ke sere de bajarê Çînî yê Wuhana de vejîya raşte vilayê pêroyê dinya bî û bî sebebê netîceyanê giranan. Goreyê dayeyanê fermî yê heta nika, pêroyê dinya de 597 hezar û 407 kesî bi Vîrusê Korona kewtî û tewr tay 27 hezar û 367 kesî vîrus ra cuya xo vindî kerdî.

Welato ke bîlançoya Vîrusê Korona (Covîd-19) ci de zêde giran bena Îtalya ya. Îtalya de heta nika 9 hezar û 134 kesî cuya xo vindî kerdî. Badê Îtalya wetalo ke tewr zêde ci de înson merdî Spanya ya. Spanya de zî hûmara kesê ke vîrus ra cuya xo vindî kerdî bîye 5 hezar û 138 kese.

Hûmara çend welatan ê ke hemwelatijê înan cuya xo vindî kerdî wina ya:

Çîn: 3 hezar û 295

Îran: 2 hezar û 378

Fransa: Hezar û 995

Amerîka: Hezar û 701

Ingilistan: 759

Hollanda: 546

Almanya: 351

Belçîka: 289

Hûmara kesê ke vîrus ra xelisîyayî zî resaye 133 hezar û 373 kesane.

Dikarî Biecibînî