‘Çewlîg de nêweşê Korona estê la jan vila nêbîyo’

Doktoranê naskerdeyan ê Çewlîgî ra Dr. Îlhan Çakabayo ke hesabê xo yê Twîtterî ser ra rojane derheqê nêweşîya Korona de zanayîş dano vat: “Çewlîg de nêweşê Covid-19î estê la zaf tay ê. Jan vila nêbîyo.”

Pîsporê Nêweşîyanê Zereyî Dr Îlhan Çakabayo ke doktoranê naskerdeyan ê Çewlîgî ra yew o hesabê xo yê Twîtterî ser ra da pêhesnayene ke Çewlîg de nêweşî estê la zaf tay ê. Jan vila nêbîyo.

Çakabayî vat:  “Sey hekîmêko Çewlîg de aktîf gureyeno çimdarîya mi aya ke nêweşê Covdi-19î tîya estê. Çîyo rind oyo ke hûmara înan tay a, semptomê nêweşîyê kêm ê û rewşa înan hol a.  Jan  vila nêbîyo. Nêweşxane hewce nêkeno, keye de karantîna û çimdarî bes o. Wa şarê ma tedbîranê xo bîgêro û xo bipawo.  Kaos û panîk nêzdîbîyayîşêko raşt nîyo. Bena hol.” ÇEWLÎG

Dikarî Biecibînî