Amed de hûmara nêweşanê ke pê şikê Korona tedawî benê zêdîyena

Nêweşxaneyanê Amedî de hûmara nêweşanê ke pê şikê vîrusê Korona yenê weşkerdene zêdîyena

Nêweşxaneyanê Amedî de hûmara nêweşanê ke pê şikê vîrusê Korona yenê weşkerdene zêdîyena. Ame zanayene ke Amed de 123 nêweşê Korona yenê weşkerdene ke înan ra 12 kesî serwîsê ciewnîyayîşê giranî de yê û testê 23ê înan pozîtîf vejîyayî. Hêni de zî ramitoxêkê TIRî yo ke Îtalya ra amebi semedê adirê berzî ra şî nêweşxane û uca de yeno weşkerdene. Şaristan de heta nika 26 kesî zî bîyî weş û nêweşxane ra vejîyayî.

Nêweşxaneyanê Amedî de hema zî hewcedarîyê kedkaranê weşîye kêm ê.

Qezaya Çinarî ya Amedî de zî cinîyêka 71 serre adirê berzî û tengîya hêlmî ra nêweş kewte û hetê ambulansê serwîsê lezabezî ra ameye berdene bi nêweşxaneyêkê taybetî. Ame zanayene ke kedkarê weşîye bê ekîpmanê pawitoxî bîyî. Rayîr de qelbê nêweşe vindert û dima ke xebatkaranê weşîye mudaxeleyê ci kerd bîye weş la nêweşxane de wefat kerd. Dima ke Mudirîya Weşîye derheqê rewşa nêweşe de zanayîş da ambulans dezenfekte bi û xebatkarê weşîye erşawîyayî keye ke 12 rojan binê karantîna de bimanê.

Amed de heta nika 5 kesî vîrusê Korona ra merdî. AMED 

Dikarî Biecibînî