Wuhan de karantîna qedîyaye, merdimî xar kerd îstasyonan

Şaristanê Wuhanî yê Çînî de pandemîya vîrusê Korona tede vîyabî werte, rewşa karantîna ya ci vizêr qedîyaye. Qedîyayîşî ra dima merdiman verê xo da îstasyonan ke şorê hetê keyeyê xo

Dima ke menga kanûna 2019î de şaristanê Wuhanî yê Çînî de vîrusê Korona vejîyabi werte destêkê çeleyî de gêrîyabi binê karantîna. Selahîyetdaranê Çînî goreyê wextê herême saete 00:00 de karantîna qedînaye.

Qedîyayîşê karantîna ra wextêkê kilmî dima merdimî herême ra vejîyayî. Îstasyonê trenî yê Wuhanî pirr bîyî û merdiman verê xo da herêmanê cîyayan ê welatî ke merdimanê xo bivînê.

Venga raywanan ame dayene ke qasê metreyêk wa xo nêzdîyê yewbînan nêkerê, goreyê tedbîranê pakîye têbigêrê. Selahîyetdaran Wuhan sey ‘Şaristanê Çêran’ pênase kenê.

Çîn de pandemîya vîrusê Korona ra 3330 kesî merdî ke 2500ê înan Wuhanî ra bîyî. WUHAN 

Dikarî Biecibînî