Pêroyê dinya de 82 hezar û 125 kesî merdî

Her ke şona bîlançoya Vîrusê Korona giran bena. Pêroyê dinya de hûmara kesê ke Vîrusê Korona ra merdî 82 hezar û 125î derbaz kerde. Hûmara kesê ke bi vîrus kewtî zî resaye yew mîlyon û 431 hezar û 13 kesî

Merkezê Xeberan]

Bîlançoya Vîrusê Korona roj bi roje giran bena û lazimîyê merdimîye zêdîyenî. Vîrusê Korona (Covid-19) ke reya yewine eyaletê Hubei bajarê Wuhanî yê Çînî de vejîyabî raşte bi hawayêko lez vilayê pêroyê dinya bî. Badê Çînî Îran, Îtalya, Îngîltere û xeylê welatanê Ewropa de vila bî. Vîrus Tirkîya ra dima tewr peynî Amerîka de bi hawayêko lez vila bî û hema hema pêroyê dinya de cuye da vindetene.

Pêroyê dinya de hûmara kesê ke Vîrusê Korona ra merdî 82 hezar û 125î derbaz kerde. Hûmara kesê ke bi vîrus kewtî zî resaye yew mîlyon û 431 hezar û 13 kesî. Pêropîya 301 hezar û 326 kesî zî weş bîyî.

Bîlançoya tay welatan wina ya;

Amerîka: Hûmara kesê ke bi vîrus kewtî 399 hezar û 886 kesan derbaz kerde. Heta nika 12 hezar û 907 kesî zî cuya xo vindî kerdî.

Îtalya: 135 hezar û 586 kesî bi vîrus kewtî û 17 hezar û 127 kesî zî cuya xo vindî kerdî.

Spanya: 141 hezar û 942 kesî bi vîrus kewtî û 45 kesî zî cuya xo vindî kerdî.

Çîn: Cayo ke vîrus vejîya de pêropîya 82 hezar û 873 kesî bi vîrus kewtî û 3 hezar û 337 kesî zî cuya xo vindî kerdî.

Fransa: 110 hezar û 70 kesî bi vîrus kewtî û 10 hezar û 443 kesî zî cuya xo vindî kerdî.

Tirkîya: 34 hezar û 109 kesan de vîrus ame tespîtkerdene û heta nika 725 kesî cuya xo vindî kerdî.

Almanya: 107 hezar û 663 kesî bi vîrus kewtî û 16 kesî cuya xo vindî kerdî.

Îran: 62 hezar û 589 kesan de vîrus ame tespîtkerdene û 872 kesî cuya xo vindî kerdî.

Brîtanya: 55 hezar û 949 kesan de vîrus ame tespîtkerdene û 171 kesî cuya xo vindî kerdî.

Belçîka: 22 hezar û 709 kesan de vîrus ame tespîtkerdene û 35 kesî cuya xo vindî kerdî.

Hollanda: 19 hezar û 709 kesan de vîrus ame tespîtkerdene û 108 kesî cuya xo vindî kerdî.

Swîsre: 22 hezar û 253 kesan de vîrus ame tespîtkerdene û 821 kesî cuya xo vindî kerdî.

Iraq: Heta nika hezar û 122 kesan de vîrus ame tespîtkerdene, 65 kesî cuya xo vindî kerdî û 373 kesî zî weş bîyî.

Dikarî Biecibînî