Pîrikê 2 domananê ke Çinar de binê rijîyayîşî merdbî krîzê qelbî ra merd

Çinarê Amedî de banê keyeyê Demirbagî ke 10 kesî tede ciwîyayêne rijîyabi û 2 domanê ke binê rijîyayîşî mendî cuya xo vînî kerdbi. Pîrikê nê domanan zî ewro krîzê qelbî ra cuya xo vînî kerde

4ê nîsane de taxa Bare ya qezaya Çinarî ya Amedî de banê keyeyê Demirbagî ke 10 kesî tede ciwîyayêne saetanê şewe de rijîya bi û 2 domanî Guneşe Demiroglu (14) û Dindar Demiroglu (15) yê ke  binê rijîyayîşî mendîbî cuya xo vînî kerdebî. Pîrikê nê domanan Ahmet Demiroglu zî ewro krîzê qelbî ra cuya xo vînî kerde.

Badê rijîyayîşê banî keyeyê Hamdullah Demiroglu keyeyê babîyê ci Ahmet Demiroglu de xo ca kerdbi. Vizêr şinê domanan qedîya la ewro saetanê serê sibayî de pîrikê domanan Ahmet Demiroglu (64) krîzê qelbî ra cuya xo vînî kerde. Demiroglu ame berdenê Nêweşxaneyê Unîversîteya Dîcle la rixmê heme mudexaleyan nêame xelisnayene. Demiroglu do kişta tornanê xo de bêro definkerdene. AMED 

Dikarî Biecibînî