Qeyûm tayînê şaredarîyê Sêrt, Misirc, Hawêl û Îdirî ame kerdene

Îqtîdarê Tirkîya yo faşîstî prosesê janî de zî mabên nêda qeyûman. Wezîrîya Karanê Zereyî şaredarîyanê HDPyî yê Sêrt û qezayanê ci yê Hawêl û Misirc û şaredarîya Îdirî de qeyûm ca kerd

Wezîrîya Karanê Zereyî şaredarîyanê HDPyî Sêrt û qezayanê ci yê Hawêl û Misirc de îradeyê şarî binpay kerd û qeyûmê xo ca kerd. Hemşaredara Sêrtî Bêrîvane Helen Işik, hemşaredarê Hewêlî Ramazan Sarsilmaz, hemşaradarê Misircî Baran Akgul û hemşaredarê Îdirî Yaşar Akkuş wezîfeyê înan ra ameyî girewtene û herinda înan de qeyûm ame cakerdene.

Walî Ali Fuat Atik Sêrt de, qeymeqam Mehmet Tunç Hewêl de û hsan Emre Aydin zî Misircî de şaredarîyan de sey qeyûmî ameyî cakerdene. Dormeyê şaredarîyan hetê polîsan ra gerîya binê ablûqa. Hemşaredara

Sêrtî Bêrîvane Helen Işik, hemşaredarê Îdirî Yaşar Akkuş û Eyleme Çelîk, hemşaredarê Hewêlî Ramazan Sarsilmaz û hemşaradarê Misircî Baran Akgul ameyî destbendkerdene. HDPyo ke 3ê înan bajarê girdî 65 şaredarîyî fînaybî dest heta nika 43ê înan de qeyûm ame cakerdene. Rîyê Qerarnameyê Hukmê Qanûnî (KHK) ra mazbatayê 6 hemşaredaranê ci nêdîyayî înan. SÊRT 

Dikarî Biecibînî