Riha û Agirî de waqayê Korona zêdîyene

Riha de 13 bînayê bînî gêrîyayî binê karantîna, Agirî de zî hûmara waqayan 50î ra zêdîyaye bîye 250

Heyetê Weşîye yê Riha da zanayene ke 11 taxanê 5 qezayanê Riha de testê Vîrusê Korona yê tay kesan pozîtîf vejîya, 13 bînayî seba 14 rojan gêrîyayî binê karantîna. 2 bînayan û taxêke de zî karantîna wedarîyaye. Rojêke verê cû şaristan de 8 bînayî gêrîyaybî binê karantîna.

Agirî de zî rîyê şîn û zîyaretan ra hûmara waqayanê Vîrusê Korona zaf zêdîyaye. Şaristan de verê roşanî hûmara waqayan têna 50 bîye la rîyê şînanê nimitkeyan û qerebalixê bazaran ra na hûmara zêdîyaye bîye 250. Şar qedexeyê tebervejîyayîşî ra dima zî vizêr bêmaskeyan reyna vejîyayî cehdeyan.

Dikarî Biecibînî