Dadîya Gulîstan Doku paweyê kênaya xo ya

Keyeyê Gulîstane Pirdê Dînarî de hema zî paweyê Gulîstane yo. Dadîye Bedrîye Doku zî wina lawikan vana: ''Gulîstane roj û şewe ez gêrena to, ti kotî de ya? Cîgera mi veşena.''

Wendekara Unîversîteya Munzurî Gulîstan Dokuye 5ê çeleyî ra nata vînbîyaye ya. Awbendê Uzunçayirî de xebata cigêrayîşî dewam kena. Sere de wake Aygule Doku xeylêk kes, dezgeh û rêxistinan venga selahîyetdaran kerdbi ke awbend bêro vengkerdene la hema zî cewabêk nêdîya nînan.

Hewteyan ra nata medyaya komelkîye de babetê sey ”Dîmenê kamera wa bêrê eşkerakerdene, awbend bêro wengkerdene” û ”Zainal Abarakov kotî de yo” benê rojdem.

Gulîstan Dokuye tewr peyên pirdê Dînarî de amebî dîyene. Keyeyê ci hema zî pird de pabeyê Gulîstane yo.

Dadîye Bedrîya Doku verê pirdî de, destê ci de fotografê Gulîstane wina lawikî vana: ”Gulîstane roj û şewe ez tim gêrena to, ti kotî de ya? Cîgera mi veşena.” DÊRSIM 

Dikarî Biecibînî