‘Veng bidêne vengê zîndanan’

Hepsîya bi nameyê Merve Aydogane tewrê 2 embazê xo Zîndanê Bunyanî de binê karantîna de ya û çimanê aye de problem virazîyayo. Waya Merve, Şukran Aydogane daye zanayene ke ganî herkes bibo vengê zîndanan û ganî cîyayê nêkerî mabenê suc û merdiman

Hepsîya bi nameyê Merve Aydogane tewrê 2 embazê xo Nazli Solgun û Rojda Tokçuye 22ê nîsane ra nata Zîndanê Bunyanî yê Cinîyan de binê karantîna de ya. Merve Aydogan nêweşa Çolyakî ya û her çiqas ke nîşaneyê vîrusî aye re bibo zî nêameya dermankerdene. Nê 3 hepsîyê cinî revîr de dermankerdişê bi kelemçe reyde rî bi rî mendî û herinda ke bêrî tedawîkerdene înan kerdî koxuşê karantîna. Zîndanan de seba hepsîyan çîyêk nîno kerdene. Waya Merve, Şukran Aydogane daye zanayene ke ganî herkes bibo vengê zîndanan û ganî cîyayê nêkerî mabenê suc û merdiman.

‘Nêbenî nêweşxane’

Şukrane qiseykerdişê xo de wina va: “2 Embazê waya mi de zî nîşaneyê korona estî. Sere de waya mi de virazîya. Test nêame kerene. Cewabê dermankerdişî nêdîya. Cinîyêk şewêk de kor bena û çîyêk zî nîno kerdene. Waya minêberdî nêweşxane. Badê hewteyêk berdî reîr û derman dayî. Dermanê ke yenî dayene zî feyde nêkenî û tewr peynî berdî nêweşxaneyê zîndanî.”

‘Wa waştişê înan bêrî qebulkerdene’

Şukrane dewamê qiseykerdişê xo de dîyar kerde ke aye seba na babete heta meclîsî zî şîya la tu gamêk nêameyo eştene û wina va: “Test nêkerdî. Vatî ke wezîrê edaletî vato ke wa test nêro kerdene. Teşhîsê sey  ‘vertîgo’ ronayî. Ganî bi lezûbez tabelê înan bêrî qebulkerdene. Prosesê Vîrusê Korona de her çî bedilîya la zîndanan de tu çîyêk nêbedilya. Ma çîyêko zêde nêwazenî. Ma wazenê ke wa sucan yewbînan ra cîya nêkerî û sey merdiman nizdîyê hepsîyan bibî.”

Şukrane qiseykerdişê xo yê peyênan de veng daye keyeyê ke no prosesî de mexdur bîyî û va: “Ganî heqê cuye yê heme merdiman bêro pawitene. Ganî herkes veng bido vengê zîndanan û ganî cîyayê nêkerî mabenê suc û merdiman. Wa waştişê hepsîyan bêrî qebulkerdene. Wa heme dezgeyê sivîlî vengê ma bieşnawî.” EDENE 

Dikarî Biecibînî