Amed de 8 kesî ameyî tepiştene

16 kesê ke çarçeweya tehqîqatê KCDyî de ameyî binçimkerdene û vizêr vejîyabî edlîye ra 8 kesî ameyî tepiştene

Seke yeno zanayene 26ê hezîrane merkezê Amed de çarçeweya tehqîqatê Kongreya Komela Demokratîke (KCD) de polîsan eştbî xeylê adresan ser û 43 kesan binçim kerdbî. Vizêr 16 kesê ke Şubeyê TEMî yê Mudirîya Asayîşî de karê înan qedîya, sewqê edlîye ameyî kerdene.

16 kesê ke sewqê Edlîyeya Amedî ameyî kerdene bê ke dozgerî îfadeyê înan bigîro, sewqê Mehkemaya Cezaya Sulhî ya Nobedare ameyî kerdene. Rayîrbera Komeleya Cinîyan ya Rosa Rojda Bariş, Endama Meclîsê Pêroyî ya Konfederasyonê Sendîkaya Kedkaranê Rayapêroyî (KESK) û Endama TUM BEL-SENî Ayten Tekeş, Endama Şubeyê Amedî ya Odeya Muhendisan ya Makînaye Arîn Zumrut, Avukat Berdan Acun û Fatma Bulbul, Velat Esîn, Omer Baran, Nesrîn Şanli, Huseyin Kaya, Adem Firik, Mehmet Şengul, Aytaç Duymuş, Pîran Başkurt, Umran Baturaye bi îdiayê ‘Endamtîya Rêxistine’ bi talebê tepiştişî sewqê Mehkemaya Cezaya Sulhî ya Nobedare ameyî kerdene. Aynur Aktar û Zekiye Yilmaze bi şertê kontrolê edlî sewqê mehkema ameyî kerdene.

Fatma Bulbul, Berdan Acun, Adem Firik, Velat Esin, Aytaç Duymuş, Omer Baran, Zekiye Yılmaz û Aynur Aktare bi şertê kontrolê edlî serbest ameyî veradayene. Ayten Tekeş, Arin Zumrut, Rojda Bariş, Nesrîn Şanli, Piran Başkurt, Huseyin Kaya, Mehmet Şengul û Umran Baturaye bi îdiayê ‘Endamtîya Rêxistine’ameyî tepiştene. AMED

Dikarî Biecibînî