Zeyneb Celalîyan: Mi berdî Zîndanê Kermanî

Rejîmê Îranî tepişteya cinîye Zeyneb Celalîyane narey zî surgunê Zîndanê Kermanî kerd. Celalîyan wextêk verî gama ke surgunê yewna zîndanî bîyêne pê Vîrusê Korona kewtbî

Merkezê Xeberan]

Aktîvîsta tepişteye Zeyneb Celalîyane narey zî Zîndanê Kermanî rê ameye surgunkerdene. Aktîvîsta kurde  Zeyneb Celalîyan 21ê gulane de gama ke Zîndanê Xoyî ra surgunê Zîndanê Qerçekî bîyêne pê Vîrûsê Korona kewt. Celalîyane seba ke tedawîya ci nêameye kerdene û şertanê xiraban protesto bikero 21ê hezîrane de dest pê grevê vêşanîye kerdbi.

Merdimanê Zeyneb Celalîyan ê ke Komeleya Heqanê Merdiman ê Kurdistanî  (KMMK)  rê qisey kerd, da pêhesnayene ke Celalîyane 27ê hezîrane de surgunê Zîndanê Kermanî bîya. Avûkate Suheyla Hîcab ke bi Celalîyane heman zîndan de mendene çend rojî verê ci dabi eşnawitene ke rewşa weşîya Celalîyane xirabêr bena. Zeynep Celalîyana makûyije ya 38 serrî  rîyê endamîya patîyêka kurdî ra ci rê ceza ameyebî birnayene ke heta peynîya emrê xo zîdan de bimano. Celalîyane 13 serrî yo zîndan de ya.

Dikarî Biecibînî