Licê de mayîn û topê hewanî yê nêteqaye ameyî vînayene

Herêma çolterê mabenê taxa Yeşîlburçî û mezraya Cumê ya Liceyê de mayîn û topê hewanî yê nêteqaye ameyî vînayene

Herêma çolterê mabenê taxa Yeşîlburçî û mezraya Cumê ya qezaya Lice ya Amedî de mayîn û topê hewanî yê nêteqaye ameyî vînayene. Herême kewena corê Fermandarîya Liwa ya Licê û hemwelatijê ke herême de gêrayêne leqê 2 mayîn û 2 topê hewanî yê nêteqaye ameyî. Fotografê teqemenîyan hetê hemwelatijan ra ameyî antene  û înan ser de hûmarê “MM M43A 1B1” estî.

Mayîn û topê hewanî yê ke ameyî vînayene zeng girewtî û seba ke herêma çerênayîşê heywanan de ameyî vînayene bî sebebê şikan. Dormeyê mayîn û topê hewanî de qutîyê konserve, şuşeyê veng yê awe û eşteyê werdan zî ameyî vînayene.

31ê adare de raşteyo ke keweno mabenê dewa Pirik û Zîyaretî de netîceyê teqayîşê muhîmatê leşkerî de Yusuf Yildirako 11 serrî ke heywanan çerênayêne cuya xo vindî kerdbî. AMED

Dikarî Biecibînî