aram

Erzirom de 9 ziwanî estê, kurdkî çin a!

Şaristanê kurdan Erziromî de Şaredarîya AKPyî ya qezaya Yakutîye de bi 9 ziwanan bîlboardî darde kerdî la tede kurdî çin a

Şaristanê kurdan Erzirom de Şaredarîya AKPyî ya Yakutîye de bîlboardan de bi 9 ziwanan afîşê bi nuşteyê  ‘Keremê xo ra maske xo rê bidê’ ameyî dardekerdene. Bîlboardan de bi tirkî, îngilîzkî, erebkî, rûskî, azerîkî ûsn nusîyeno la kurdî çin a.

Rojnameyê Xwebûnî ra Abdurrahman Severo ke Erzirom de ciwîyeno îfade kerd ke nêmeyê şaristanî kurd ê la no kerdiş dewamê polîtîkaya înkarî yo.

Severî vist vîrî ke AKP wextê weçînayîşan de deyîranê kurdkî cenano, bi kurdkî selam dano. Severî vat: ”Ziwan estbîyayîşê yew şarî yo. Afîşan de 9 ziwanî esyê la kurdkî çin a. No hêrişê vera kurdan o.” ERZIROM 

Dikarî Biecibînî