aram

Heyetê HDPyî temsîlkaranê 26 welatan reyde pêvînayîş kerd

Serekîya Hemsereka Pêroyî ya HDPyî  Pervîn Buldane de heyetêk bi  temsîlkaranê 26 welatanê endamanê Yewîya Ewropa kombîyayîşo online kerd. Kombîyayîş de tecrîdê Îmrali ame qiseykerdene

Hemsereka Pêroyî ya Partîya Demokratîke ya Şaran (HDP) Pervîn Buldan, Vervatoxa Partîye Ebru Gunay, hemvervatoxê Komîsyonê Karanê Teberî Feleknaz Uca û Hîşyar Ozsoy û endamê komîsyonî Nazmî Gurî bi  temsîlkaranê 26 welatanê endamanê Yewîya Ewropa kombîyayîşo online kerd.

Kombîyayîş de babetanê rojdemî ya pîya sey rojdemê taybetî meseleya kurdî ameye destgirewtene. Na çarçewe de tecrîdê serê Rayberê Şarê Kurdî Abdullah Ocalanî û raporê Komîteya Vernîgirewtişê Muameleyo Xirab û Îşkenceyî ya Ewropa (CPT) ke demo nizdî de ame eşkerakerdene ser ame qiseykerdene. Buldane ard ziwan ke çaresernêkerdişê meseleya kurdî de tecrîd rolo gird kay keno û waşt ke sere de Îmrali vera binpaykerdişê hewanê zîndanan de komelo mîyanneteweyî hîsgêrî ramojno. Gunaye zî bale ante raporê CPTyî ser û waşt ke tecrîdê serê Ocalanî cade bêro wedaritene. Gunaye endamanê Yewîya Ewropa ke tewrê kombîyayîşî ra zî waşt ke seba ke Tirkîya waştişanê CPT bîyaro ca wa babete nizdî ra teqîp bikerê. ANQARA 

Dikarî Biecibînî