Ji bo boykotkirina malên tirkî li Silêmaniyeyê mîhrîcan hate desptêkirin

Ji bo boykotkirina malên tirkî û zêdekirina berhemên navxweyî, li Silêmaniyeyê Mîhrîcana Erzankirina Nirx û Danasîna Berhemên Navxweyî hate destpêkirin. Mîhrîcan dê 16 rojan bidome

Bi armanca boykotkirina malên tirkî, îro li Holî Kargeyî Cigareyî ya Silemaniyeyê Mîhrîcana Erzankirina Nirx û Danasîna Berhemên Navxweyî dest pê kir.

Mîhrîcana ku bi pêşengiya Hola Kargeya Cigare ve tê organîzekirin dê 16 rojan bidome. Di mîhrîcanê de herî zêde berhemên navxweyî tên firotin û malên tirkî nayên firotin. Berhemên ku ji cureyên şîremenî, xwarinên kurdewarî, cil û bergên kurdî, tiştên keda dest, zebze û fêkiyên navxweyî pêk tên, rastî eleqeyeke mezin tên.

Têkildarî mijarê rêveberê mîhrîcanê Amac Kerîm axivî û wiha got: “Mebesta me erzankirina nirx û danasîna berhemên navxweyî yên başûrê Kurdistanê û nîşandana karên destan ên jinan e. Lê mebesta sereke, boykotkirina kel û pêlên dewleta tirk û zêdekirina berhemên navxweyî ne. Herêma Kurdistanê bi berhêmên navxweyî dewlemende. Em dixwazin pêşî li kirina malên tirkî bigirin. Em dixwazin ku xelk piştgiriyê bidin berhemên navxweyî.”

Tê payîn ku pêşengeh piştî pêngava 16 rojan, careke din dest pê bike. SILÊMANIYE

Dikarî Biecibînî